மகளிர் தின வாழ்த்துக்கள்!

நியாயமான கோபங்கள் பலவுண்டு
பூமியின் பொறுமை எனக்கில்லை;

அர்த்தமற்ற வீம்புகள் சிலவுண்டு
எல்லோர்க்கும் மணம் வீசும் பூவின் குணம் எனக்கில்லை;

துணிவற்று சோர்ந்து போன தருணங்கள் பலவுண்டு
பின் நின்று காக்கும் முதுகெலும்பின் பலம் எனக்கில்லை;

அடக்க முடியாமல் அழுவதுமுண்டு
இடர் தாங்கும் இடிதாங்கியின் பக்குவம் எனக்கில்லை;

உவமை, உருவகப் பட்டாடை விலக்கி
நிறை குறை யோடு பாருங்கள்!

சுவாசமும் வெளிச்சமும் எனக்கும் தேவை!
மகளிர் தின வாழ்த்துக்கள்!